Hittu læknana okkar

Ég hef verið hjá Maríu tannlækni frá því að hún útskrifaðist 1987. María hefur verið mjög góður tannlæknir fyrir mig og börnin mín fjögur sem hafa verið hjá henni allt sitt líf. María er mjög vandvirk og skoðar okkur mjög vel og kemur með leiðbeiningar um umhirðu tanna, sérstaklega þegar börnin voru lítil, það hefur mjög lítið skemmst hjá þeim. María hefur góða nærveru og hún er alltaf hress og skemmtileg og tekur vel á móti okkur. Allur aðbúnaður á tannlæknastofunni er til fyrirmyndar.

Ég hef verið hjá Maríu Elíasdóttur tannlækni í 14 ár og hef alltaf verið ánægð með þjónustuna.
Notalegt viðmót og fagleg í alla staði.
Staðsetningin er líka frábær á Réttarholtsvegi 3

María var enn í tannlæknanámi þegar ég fór til hennar í fyrsta sinn. Þá var það hluti af náminu hjá henni að taka á móti fólki í Tanngarði og hjá mér var ekki aftur snúið eftir það. Því þarna losnaði ég loksins við hræðsluna við tannlækna. Hún kunni að tala við og aðstoða fólk eins og mig, það er þá sem eru hræddir við tannlækna.
Alla götur síðan hef ég verið hjá Maríu og sé enga ástæðu til að breyta því enda fæ ég alltaf afbragðsþjónustu á stofunni hennar. Takk fyrir áratuga langa samleið
Guðrún Hálfdánardóttir